قومی خبریں
شبلی فراز، عمر ایوب سمیت 9 ارکانِ اسمبلی و سینیٹر نااہل قرار
الیکشن کمیشن آف پاکستان نے شبلی فراز اور عمر ایوب سمیت 9 ارکانِ اسمبلی اور سینیٹر کو نااہل قرار دے دیا۔
شبلی فراز، عمر ایوب سمیت 9 ارکانِ اسمبلی و سینیٹر نااہل قرار
9 مئی مقدمات میں سزا یافتہ ہونے پر الیکشن نے سینیٹ میں اپوزیشن لیڈر شبلی فراز، قومی اسمبلی میں اپوزیشن لیڈر عمرایوب، قومی اسمبلی میں پی ٹی آئی کی پارلیمانی لیڈر زرتاج گل, شبلی فراز، عمر ایوب سمیت 9 ارکان پارلیمنٹ کو نااہل قرار دیا گیا ہے۔
الیکشن کمیشن کے اعلامیہ کے مطابق نااہل ہونے والوں میں 5 ارکانِ قومی اسمبلی، ایک سینیٹر اور 3 ارکانِ پنجاب اسمبلی شامل ہیں۔
نااہل ہونے والوں میں رائے حیدر علی، صاحبزادہ حامد رضا، رائے حسن نواز، زرتاج گل، ارکانِ پنجاب اسمبلی انصر اقبال، جنید افضل، رائے محمد مرتضیٰ اقبال بھی شامل ہیں۔ الیکشن کمیشن نے نااہل ہونے والے ارکانِ اسمبلی کی نشستیں خالی قرار دے دیں۔ الیکشن کمیشن نے 9 مئی کے مقدمات میں سزائیں ہونے پر ان ارکان کو ڈی نوٹیفائی کیا ہے۔
