قومی خبریں
راولپنڈی: ڈینگی کے مزید 11 کیسز رپورٹ
راولپنڈی میں 24 گھنٹوں میں ڈینگی کے 11 کیسز رپورٹ ہوئے، جس کے بعد صوبے بھر میں ڈینگی مریضوں کی مجموعی تعداد 144 تک پہنچ گئی۔
راولپنڈی: ڈینگی کے مزید 11 کیسز رپورٹ
محکمہ صحت کے مطابق راولپنڈی میں ڈینگی کے مزید 51 مریض ہسپتالوں میں زیر علاج ہیں جبکہ مجموعی طور پر 5 ہزار 230 افراد کی اسکریننگ کی گئی۔
محکمہ صحت کے مطابق گزشتہ 24 گھنٹوں میں مری سے ڈینگی کا ایک مریض رپورٹ ہوا۔ مری میں ڈینگی مریضوں کی مجموعی تعداد 84 تک پہنچ گئی۔
محکمہ صحت کے مطابق راولپنڈی اور مری میں انسداد ڈینگی مہم جاری ہے جبکہ ڈینگی ایس او پیز کی خلاف ورزی پر 33 سو سے زائد مقدمات درج ہو چکے ہیں۔
محکمہ صحت نے بتایا کہ ایس اوپیز کی خلاف ورزی پر 1557 مقامات کو سیل کیا گیا ہے، مختلف علاقوں میں 3 ہزار 134 چالان ٹکٹ جاری کیے گئے جبکہ ڈینگی ایس اوپیز کی خلاف ورزی پر 90 لاکھ کے قریب جرمانے کیے گئے۔
