ایل پی جی مرضی کے ریٹ پر فروخت جاری
پھول نگر رپورٹ محمد صابر رانا سے
پھول نگر میں ایل پی جی گیس کی آبادی والے علاقوں میں کھلے عام من مرضی کے ریٹ پر فروخت جاری،
جو کبھی بھی کسی بڑے حادثے کا سبب بن سکتی ھے
اہل علاقہ کا شدید احتجاج،ڈی سی قصور اور پرائس کنٹرول مجسٹریٹ سے فوری نوٹس اور کاروائی کا مطالبہ ۔
تفصیلات کے مطابق ۔پھول نگر کوٹرادھاکشن روڈ پر جہاں چاروں طرف آبادی ہی آبادی ھے مفاد پرست عناصر نے دوکانیں قائم کرکے ایل پی جی گیس کی کھلے عام فروخت شروع کر دی ھے
جو کسی بھی وقت بڑے حادثے کا سبب بن کر کئی جانیں لے سکتیں ہیں مفاد پرست عناصر نے اپنے مفاد کی خاطر کئی جانوں کو خطرے میں ڈال رکھا ھےحکام بالا نے سب کچھ جاننے کے باوجود خاموشی اختیار کی ہوئی ھے
شاید وہ کسی بڑے حادثے کے رونما ہونے کا انتظار کر رھے ہیں
دوسری طرف ان گرانفروشوں نے حکومتی ریٹ کو پس پشت ڈال دیا ھے اور بجائے حکومت کے مقرر کردہ ریٹ 258 روپے کی بجائے 400روپے پر کلو فروخت کرکے عوام الناس کو دونوں ہاتھوں سے لوٹ رھے ہیں
پھول نگر اہل علاقہ اور عوامی سماجی حلقوں نے ڈی سی قصور اور پرائس کنٹرول مجسٹریٹ سے فوری نوٹس اور کاروائی کا مطالبہ کیا ھے ۔
