رونالڈو نے میسی کو پیچھے چھوڑ دیا، ورلڈ کپ کوالیفائرز میں نیا ریکارڈ قائم

فٹبال کی دنیا کے عظیم کھلاڑیوں میں سے ایک، کرسٹیانو رونالڈو نے ایک اور سنگِ میل عبور کرتے ہوئے فیفا ورلڈ کپ کوالیفائرز میں لیونل میسی کو پیچھے چھوڑ دیا ہے۔

ہفتہ کو کھیلے گئے میچ میں پرتگال نے آرمینیا کو 0-5 سے شکست دی۔ اس میچ میں رونالڈو نے دو شاندار گول اسکور کیے، جس کے بعد ان کے ورلڈ کپ کوالیفائرز میں گولز کی مجموعی تعداد 38 ہو گئی ہے۔ اس سے قبل رونالڈو اور میسی دونوں کے 36،36 گول تھے، اور وہ مشترکہ طور پر دوسرے نمبر پر تھے۔ اب رونالڈو نے تنِ تنہا دوسری پوزیشن* سنبھال لی ہے، جبکہ میسی تیسرے نمبر پر آ گئے ہیں۔

اس فہرست میں پہلا نمبر گوئٹے مالا کے کارلوس روئیز کے پاس ہے، جن کے 39 گول ہیں۔ کرسٹیانو صرف ایک گول کے فرق سے اس ریکارڈ کے بھی قریب پہنچ چکے ہیں۔

میچ کے دوران کرسٹیانو کی کارکردگی قابلِ دید تھی، خاص طور پر ان کا ایک طویل فاصلے سے مارا گیا گول، جس نے اسٹیڈیم میں موجود شائقین کو حیران کر دیا۔

مزید برآں، کرسٹیانو کے بین الاقوامی گولز کی تعداد اب 140 ہو چکی ہے، جو انہیں مردوں کے عالمی فٹبال میں سب سے زیادہ گول کرنے والا کھلاڑی بناتی ہے۔

40 سالہ رونالڈو نے حال ہی میں سعودی عرب کے کلب النصر کے ساتھ نیا معاہدہ کیا ہے، اور وہ اب بھی فٹبال میں اعلیٰ سطح پر اپنی موجودگی برقرار رکھے ہوئے ہیں۔ پچھلے سال انہوں نے پرتگال کویوئیفا نیشنز لیگ جتوانے میں بھی اہم کردار ادا کیا تھا۔

اگرچہ ورلڈ کپ ٹرافی اب تک ان کے کیریئر کا حصہ نہیں بن سکی، لیکن اگلا فیفا ورلڈ کپ جو امریکہ، کینیڈا، اور میکسیکو میں منعقد ہوگا – ان کے لیے آخری موقع سمجھا جا رہا ہے۔

ایک اور دلچسپ پہلو یہ ہے کہ رونالڈو اور میسی دونوں اپنی چھٹی ورلڈ کپ میں شرکت کر کے نیا عالمی ریکارڈ قائم کرنے جا رہے ہیں، جو کسی اور کھلاڑی کو حاصل نہیں ہوا۔

ٹرمپ کا یوٹرن: مودی کو تنقید کے بعد "دوست” قرار دے دیا