کراچی میں تیز بارش شروع
نارتھ کراچی، سرجانی ٹاؤن، صفورا چورنگی، گلشن معمار، گلستان جوہر اور اورنگی ٹاؤن میں بارش ہوئی ہے۔
مبارک ویلیج، ہاکس بے، گلشن حدید اور ماڑی پور میں موسلادھار بارش ہوئی۔ محکمۂ موسمیات کا کہنا ہے کہ کراچی میں آج بھی کہیں ہلکی اور کہیں تیز بارش کا امکان ہے۔ ترجمان محکمۂ موسمیات نے کہا کہ شہر میں بارش برسانے والا سسٹم موجود ہے، کراچی میں تیز بارش برسانے والا سسٹم وقت کے ساتھ مضبوط ہو گا۔ آج رات تک بارش کا اختتام ہو جائے گا۔
انہوں نے کہا کہ سانگھڑ، میرپور خاص اور ملحقہ علاقوں میں بارش کا زیادہ زور ہے، آج شام اور رات تک بارش کا سلسلہ جاری رہے گا۔
