قومی خبریں
پی ٹی آئی کا ضمنی انتخابات میں بائیکاٹ کا فیصلہ
اسد قیصر نے کہا ہے کہ عمران خان نے ہدایت دی ہے ضمنی الیکشن کا بائیکاٹ کریں، پارٹی قیادت ملاقات کر کے مشاورت کرے گی۔
پی ٹی آئی کا ضمنی انتخابات میں بائیکاٹ کا فیصلہ
اسد قیصر نے کہا کہ پارٹی میں رائے ہے کہ ضمنی الیکشن کے بائیکاٹ پر مشاورت کی جائے، ابھی پی ٹی آئی کا ضمنی انتخابات میں بائیکاٹ کا فیصلہ ہے، عمران خان کو اپنی رائے دیں گے، حتمی فیصلہ ان کا ہوگا۔
پی ٹی آئی کے رہنما نے کہا ہے کہ ہمیں امید ہے کہ عدالت سے انصاف ملے گا، ہم نے اس نظام کو بھی بے نقاب کرنا ہے۔ ہم نے دستیاب تمام فورمز کو بھرپور طریقے سے استعمال کرنا ہے، ملک عملی طور پر انارکی کی طرف جا رہا ہے۔
اسد قیصر نے کہا ریحانہ ڈار کو جس طرح گرفتار کیا گیا، کیا یہ ظلم نظر نہیں آ رہا، چینی اسکینڈل اور کسانوں کے ساتھ حکومتی رویے پر لوگوں کو آگاہ کریں گے۔ انھوں نے کہا کہ تین سال سے جاری ظلم اور جبر کے باوجود لوگ نکلے تھے، خیبر پختونخوا میں امن کے لیے نکلے لوگوں کے پاس جائیں گے۔
