لاہور:9 مئی مقدمات ضمانت منسوخ،عمران خان کا سپریم کورٹ جانے کا فیصلہ
لاہور کے 9 مئی مقدمات میں عمران خان کی ضمانت منسوخ ہونے کے معاملے پر انہوں نے سپریم کورٹ جانے کا فیصلہ کرلیا۔
لاہور:9 مئی مقدمات ضمانت منسوخ،عمران خان کا سپریم کورٹ جانے کا فیصلہ
سپریم کورٹ میں درخواست دائر کرنے کے لیے علیمہ خان نے انسداد دہشت گردی عدالت راولپنڈی میں درخواست دائر کردی ہے۔ درخواست ایڈووکیٹ فیصل ملک کی جانب سے اے ٹی سی میں دائر کی گئی ہے۔
درخواست گزار کے مطابق عمران خان سے وکالت نامے دستخط کرانے ہیں جس میں جیل انتظامیہ رکاوٹ پیدا کر رہی ہے، اگست سے پہلے سپریم کورٹ میں ضمانت کی درخواستیں دائر کرنا چاہتے ہیں۔ اس معاملے پر عدالت کی جانب سے کہا گیا ہے کہ جیل حکام آج ہی وکالت نامے دستخط کروا کے رپورٹ کل تک عدالت میں دیں۔
9 مئی مقدمات ضمانت منسوخ
دوسری جانب کینٹ کچہری لاہور کی عدالت نے عمران خان کی رہائش گاہ کے باہر اسلام آباد پولیس پر مبینہ حملے کے مقدمے میں عمران خان اور شبلی فراز کے ناقابلِ ضمانت وارنٹ جاری کردیے۔ عدالت نے عمران خان کو طلبی کے سمن بذریعہ جیل روبکار جاری کردیے ہیں۔ اس حوالے سے عدالت مزید سماعت 30 جولائی کو کرے گی۔
