بین الاقوامی
فلپائن: 6.9 شدت کا زلزلہ تباہی مچ گئی، 22 افراد ہلاک
فلپائن کے وسطی علاقوں میں 6.9 شدت کے زلزلے نے تباہی مچادی ہے، زلزلے کے باعث حادثات میں 22 افراد ہلاک ہوگئے جبکہ کئی عمارتیں زمین بوس ہوگئیں۔
فلپائن: 6.9 شدت کا زلزلہ تباہی مچ گئی، 22 افراد ہلاک
خبر رساں اداروں کے مطابق زلزلہ مقامی وقت کے مطابق رات 10 بجے آیا، زلزلے کی گہرائی 10 کلو میٹر ریکارڈ کی گئی۔
زلزلے کے باعث کئی عمارتیں زمین بوس ہوگئیں جبکہ 30 سے زائد زخمیوں کو اسپتال منتقل کردیا گیا ہے۔
وسطی ساحلی علاقے میں زلزلے کے بعد آفٹر شاکس بھی محسوس کئے گئے ہیں جس کے باعث لوگ اپنے گھروں سے باہر نکل آئے۔ فلپائنی حکام کا کہنا ہے کہ ملبے تلے دبے افراد کو ریسکیو کرنے کے لیے آپریشن جاری ہے، متاثرہ علاقوں میں بھاری مشینریز روانہ کردی گئی ہیں۔
