بین الاقوامی
بگرام ایئربیس واپس نہ دینے پر ٹرمپ کی افغانستان کو دھمکی
امریکی صدر ڈونلڈ ٹرمپ نے دھمکی دیتے ہوئے کہا ہے کہ اگر افغانستان نے بگرام ایئربیس واپس نہ دی تو سنگین نتائج ہوں گے۔
بگرام ایئربیس واپس نہ دینے پر ٹرمپ کی افغانستان کو دھمکی
امریکی اخبار کے مطابق امریکہ اور طالبان کے درمیان انسداد دہشتگردی کارروائیوں پر مذاکرات ہو رہے ہیں۔ بگرام ایئربیس پر محدود تعداد میں امریکی فوج کی تعیناتی پر غور کیا جارہا ہے۔ مذاکرات کی قیادت امریکی نمائندہ خصوصی ایڈم بوہلر Adam Boehler کررہے ہیں۔
اس سے پہلے ڈونلڈ ٹرمپ کہہ چکے ہیں کہ بگرام ایئربیس امریکہ کو نہیں چھوڑنا چاہیے تھا۔ بگرام فوجی ایئر بیس واپس لینے کی کوشش کر رہے ہیں۔ ڈونلڈ ٹرمپ نے کہا کہ یہ ایئر بیس اس لیے بھی حاصل کرنا چاہتے ہیں کیونکہ یہ اُس مقام سے صرف ایک گھنٹے کے فاصلے پر ہے جہاں چین اپنے جوہری ہتھیار تیار کرتا ہے۔
