جرم و سزا
کراچی:بہار کالونی میں فائرنگ، ایک شخص جاں بحق
کراچی کے علاقے لیاری بہار کالونی میں فائرنگ سے ایک شخص جاں بحق جبکہ ایک زخمی ہوگیا۔
کراچی:بہار کالونی میں فائرنگ، ایک شخص جاں بحق
فائرنگ کا واقعہ گھریلو جھگڑے کا شاخسانہ ہے۔ جاں بحق شخص کی شناخت 45 سالہ سیف الرحمان جبکہ زخمی کی 25 سالہ عرفان کے نام سے ہوئی ہے۔ لاش اور زخمی کو سول ہسپتال منتقل کر دیا گیا۔ پولیس نے بتایا کہ زخمی عرفان کی بھابھی اس کے بھائی سے جھگڑ کر میکے آگئی تھی۔ عرفان اپنے دوست سیف الرحمان کے ساتھ اپنی بھابھی کو منانے آیا تھا کہ اس دوران خاتون کے بھائی شاہد نے فائرنگ کی اور فرار ہوگیا۔ پولیس کا کہنا ہے کہ فائرنگ کرنے والے ملزم کی تلاش جاری ہے۔
