پنجاب: دریاؤں میں شدید سیلاب، 20 لاکھ سے افراد متاثر

پنجاب: دریاؤں میں شدید سیلاب، 20 لاکھ سے افراد متاثر

 ڈائریکٹر جنرل (ڈی جی) پروونشل ڈیزاسٹر مینجمنٹ اتھارٹی (پی ڈی ایم اے) پنجاب عرفان علی کاٹھیا نے کہا ہے کہ پنجاب کے دریاؤں میں شدید سیلاب کی صورت حال ہے،  اس وقت تاریخ کے سب سے بڑے سیلاب کا سامنا کر رہے ہیں۔ جبکہ صوبے میں سیلاب کے باعث مختلف حادثات میں اموات کی تعداد 33 ہوچکی ہے۔ انہوں نے کہا کہ دریائے ستلج پر قصور کے مقام پر پانی کم ہو رہا ہے، 2 لاکھ 60 ہزار کیوسک کا ریلا قصور سے گزر رہا ہے۔

ڈی جی پی ڈی ایم اے کا کہنا ہے کہ پنجاب کے دریاؤں میں شدید سیلاب ہے، 20 لاکھ سے زائد افراد متاثر ہو چکے ہیں، تریموں بیراج پر پانی کا بہاؤ تین لاکھ 61 ہزار 633 کیوسک ہو گیا ہے۔ انہوں نے کہا کہ ہماری ساری توجہ انسانی جانوں کو محفوظ کرنے میں ہے، 20 لاکھ سے زائد افراد سیلاب سے متاثر ہو چکے ہیں، ریلیف کیمپس میں موجود افراد کو تمام سہولتیں دی جا رہی ہیں، تمام افسران فیلڈ میں موجود ہیں، عوام کے شانہ بشانہ کھڑے ہیں۔

عرفان علی کاٹھیا کا کہنا تھا کہ سیلاب کے باعث 33 افراد جاں بحق ہو چکے ہیں، سیلاب کے ساتھ بارشیں بھی ہو رہی ہیں، بارش کی وجہ سے نکاسی میں وقت لگے گا، بارش کی وجہ سے اربن فلڈنگ کی صورتِ حال سے بھی نمٹنا پڑ رہا ہے۔ ڈی جی پی ڈی ایم اے نے یہ بھی کہا کہ پنجاب میں سیلاب کے باعث 2200 دیہات متاثر ہوئے ہیں، متاثرہ علاقوں سے ساڑھے 7 لاکھ افراد اور لاکھوں مویشیوں کا انخلا کیا۔

جھنگ: طوفانی سیلاب، رابطہ کٹ گیا