دوسرا ٹیسٹ: ویسٹ انڈیز 163 رنز پر ڈھیر

دوسرا ٹیسٹ: ویسٹ انڈیز 163 رنز پر ڈھیر

ملتان میں آج ٹاس جیتنے کے بعد ویسٹ انڈیز نے پہلے بیٹنگ کرنے کا فیصلہ کیا تاہم پاکستانی بولرز نے آج بھی اچھی بولنگ کی اور جلد ہی 2 وکٹیں حاصل کرلیں۔

 دائیں ہاتھ کے فاسٹ بولر کاشف علی نے اپنے پہلے ہی اوور میں وکٹ حاصل کی، انہوں نے مکائل لوئیس کو 4 رنز پر کیچ آؤٹ کرایا۔

ویسٹ انڈیز کی دوسری وکٹ 9 رنز پر ساجد خان نے حاصل کی۔

بعدازاں پہلے ٹیسٹ کی طرح آج پھر پاکستانی اسپنرز نے ویسٹ انڈیز کے بیٹرز کو جال میں پھنسا لیا۔

ساجد خان اور نعمان علی کی جوڑی نے مل کر اگلی 5 وکٹیں 12 اوورز کے اندر ہی حاصل کرلیں۔

ویسٹ انڈیز کی آٹھویں وکٹ 16.2 اوورز میں 54 رنز پر گری، یہ وکٹ ابرار احمد نے حاصل کی۔

بعدازاں ویسٹ انڈیز کے بیٹرز نے بہت زیادہ سنبھل کر کھیلا اور پارٹنرشپ قائم کر کے اسکور 95 رنز تک پہنچایا جس کے بعد نعمان علی نے ایک مرتبہ پھر 27.4 اوورز میں ایک اور وکٹ حاصل کی اور میچ میں اپنی پانچویں وکٹ حاصل کی۔

ملتان ٹیسٹ، پاکستان کی جیت، ایک صفر کی برتری

آخری وکٹ کے لیے پاکستانی بولرز کو کافی جدوجہد کرنا پڑی، اس مرتبہ بھی ویسٹ انڈیز کے بیٹرز نے پارٹنرشپ قائم کر کے اسکور 163 رنز تک پہنچایا جس کے بعد نعمان علی نے آخری وکٹ حاصل کی۔