حیوانی بقا کی علمبردار جین گوڈال 91 برس کی عمر میں چل بسیں

دنیا بھر میں حیوانی بقا اور ماحولیاتی شعور اجاگر کرنے والی نمایاں شخصیت جین گوڈال 91 برس کی عمر میں انتقال کر گئیں۔

غیر ملکی میڈیا کے مطابق جین گوڈال نے اپنی زندگی کا زیادہ تر حصہ افریقی جنگلات میں گزارتے ہوئے چمپینزیوں کے رویوں اور عادات پر تحقیق کی۔ ان کی ان تحقیقات نے قدیم انسان کی ممکنہ عادات و خصائل کو سمجھنے میں نئی راہیں کھولیں۔

جین گوڈال نے کئی اہم کتابیں تصنیف کیں جنہیں عالمی سطح پر پذیرائی ملی، جبکہ ان کے فیلڈ ورک پر مختلف دستاویزی فلمیں بھی بنائی گئیں۔ ان کے مشاہدات اور مطالعات نے دنیا کو اس بات کا شعور دیا کہ چمپینزی کئی پہلوؤں میں انسانوں سے مشابہت رکھتے ہیں۔

ان کی زندگی اور خدمات نے انہیں عالمی سطح پر جانوروں کے حقوق اور ماحولیاتی تحفظ کی سب سے بڑی آوازوں میں سے ایک بنا دیا۔

کرکٹرز کے این او سی پر کرکٹ آسٹریلیا اور پی سی بی کا رابطہ