صنعت وتجارت
چینی کی قیمت پر کنٹرول ختم
لاہور میں چینی کی قیمت پر کنٹرول نہ کیا جا سکا، گلی محلوں کی دکانوں پر آج بھی چینی نہیں مل رہی۔
چینی کی قیمت پر کنٹرول ختم
مارکیٹ ذرائع کے مطابق عام مارکیٹ میں چینی آج بھی 200 روپے کلو میں بک رہی ہے،چینی کی قلت کے باعث قیمت میں 20 روپے کلو اضافہ ہو گیا ہے۔
مارکیٹ ذرائع نے بتایا کہ چند بڑے دکاندار ضلعی انتظامیہ کے دباؤ پر چینی 173 روپے کلو فروخت کر رہے ہیں۔
شوگر ڈیلرز ایسوسی ایشن کے مطابق دکانوں پر چینی ختم ہو چکی ہے، جس کے باعث چینی کی قیمت پر کنٹرول ختم ہو چکا ہے۔ چینی کی قیمت 200 سے بڑھ کر 220 روپے کلو ہو گئی ہے۔ اکبری منڈی کے ڈیلر سہیل ملک نے کہا کہ شوگر ملوں نے چینی کے اسٹاک روک رکھے ہیں، 1500میٹرک ٹن کے بجائے صرف 24 ٹن چینی منڈی میں آئی ہے۔
