روس: 8.8 شدت کا شدید زلزلہ
روس کے مشرقی ساحل کے قریب 8.8 شدت کے شدید زلزلہ کے بعد سونامی کی لہریں ٹکرا گئیں۔
روس: 8.8 شدت کا شدید زلزلہ
روسی وزیر کے مطابق زلزلے کے بعد کامچٹکا کے مختلف حصوں میں 3 سے 4 میٹر اونچی سونامی لہریں ریکارڈ کی گئیں۔ زلزلے سے چند افراد کے زخمی ہونے کی اطلاعات بھی ہیں جبکہ ممکنہ سونامی لہروں کے پیش نظر بحرالکاہل میں سونامی کی ایڈوائزری جاری کردی گئی۔
8.8 شدت کا شدید زلزلہ آنے کے بعد انڈونیشیا، جاپان اور فلپائن نے بھی ایمرجنسی وارننگ جاری کردی ہے۔ امریکہ نے کیلی فورنیا، اوریگن اور واشنگٹن میں بھی سونامی وارننگ جاری کر دی۔ اس کے علاوہ برٹش کولمبیا، الاسکا کے لیے بھی سونامی وارننگ جاری کی گئی ہے۔
امریکی جیولوجیکل سروے کا کہنا ہے کہ زلزلے کا مرکز روس کے کمچٹکا جزیرہ نما میں شہر کے مشرق میں تقریباً 136 کلومیٹر کے فاصلے پر 19 کلومیٹر گہرائی میں تھا۔
زلزلہ نسبتاً کم گہرائی میں آیا اور اس کی شدت اس قدر تھی کہ بڑی لہریں پیدا ہوئیں۔ سخالین اوبلاسٹ کے گورنر ویلیری لیمارینکو کا کہنا ہے کہ سیویرو کورلیسک میں شدید زلزلے کے بعد اس ٹاؤن کو خالی کرایا جا رہا ہے۔
