کراچی، حیدرآباد: 500 الیکٹرک بسیں چلانے کی منظوری

وزیراعلیٰ سندھ کی زیر صدارت پبلک پرائیویٹ پارٹنرشپ پالیسی بورڈ کے اجلاس میں کراچی اور حیدرآباد میں 500 الیکٹرک بسیں چلانے کی منظوری دے دی گئی۔

اجلاس میں صوبائی وزرا شرجیل انعام میمن، ناصر حسین شاہ، بورڈ کے اراکین اور متعلقہ افسران نے شرکت کی۔

اجلاس میں کراچی پورٹ تا قیوم آباد ایلیویٹڈ ایکسپریس وے کی تعمیر، جامشورو اور مٹیاری میں 41 ہزار ہیکٹرز پر جنگلات لگانے اور این ای ڈی یونیورسٹی میں سائنس اینڈ ٹیکنالوجی پارک کے معاہدے پر عملدرآمد کی بھی منظوری دی گئی۔

اس کے علاوہ چانڈکا اور جناح اسپتالوں میں ریڈیالوجی و ڈائگناسٹک لیبز کو آؤٹ سورس کرنے کا فیصلہ بھی کیا گیا۔

شمالی کوریا: فوجی پریڈ میں جوہری میزائل ہواسونگ 20‘ کی نمائش