جرم و سزا
کراچی:عمارت میں آگ لگنے سے 2 خواتین جاں بحق
کراچی میں مین کورنگی روڈ پر ڈی ایچ اے فیز 2 میں واقع عمارت میں آگ لگنے سے 2 خواتین جاں بحق جبکہ 6 افراد زخمی ہو گئے۔
کراچی: عمارت میں آگ لگنے سے 2 خواتین جاں بحق
ریسکیو حکام کے مطابق بلڈنگ کی پہلی منزل پر فیملی موجود تھی، آگ لگنے کے بعد پھنسے لوگوں کو نکالنے کی کوششیں کی گئیں۔
ریسکیو حکام کا کہنا ہے کہ آگ سے متاثرہ بلڈنگ میں موجود 8 افراد کو نکال کر اسپتال منتقل کیا گیا ہے۔
ریسکیو ذرائع کے مطابق آگ سے متاثرہ 2 خواتین دورانِ علاج اسپتال میں دم توڑ گئیں۔
فائر بریگیڈ حکام کا کہنا ہے کہ آگ بجھانے کی کوشش جاری ہے، عمارت میں مزید کسی شخص کی موجودگی سے متعلق چیک کیا جا رہا ہے۔
