کرم میں جرگہ و حکومتی کاوشوں سے حالات معمول پر آ رہے ہیں: علی امین گنڈاپور

علی امین گنڈا پور نےنجی ٹیلی ویژن سے گفتگو کرتے ہوئے بتایا ہے کہ کرم میں ایمرجنسی کی صورتِ حال سے نمٹنے کے لیے ادویات کی سپلائی جاری ہے۔

اپر کرم کے لیے ایمرجنسی ادویات کی دوسری کھیپ آج صبح 9 بجے روانہ کر دی گئی، ادویات ہیلی کاپٹر کی 2 پروازوں میں پارا چنار پہنچائی جا رہی ہیں۔

وزیرِ اعلیٰ خیبر پختون خوا نے بتایا کہ لوئر کرم کے لیے ادویات کے 2 ٹرک پہلے ہی روڈ کے ذریعے بھیجے گئے ہیں۔

علی امین گنڈا پور کا یہ بھی کہنا ہے کہ ہیلی کاپٹر میں واپسی پر ان مریضوں کو پشاور منتقل کیا جائے گا جن کی حالت زیادہ تشویش ناک ہے۔