لاپتہ افراد: ایسے کیس مشکل ہوتے ہیں، جسٹس اطہر من اللّٰہ

لاپتہ افراد: ایسے کیس مشکل ہوتے ہیں، جسٹس اطہر من اللّٰہ

اسلام آباد میں ڈیفنس آف ہیومن رائٹس کی تقریب سے خطاب میں جسٹس اطہر من اللّٰہ نے کہا کہ سچ بولنا بہت مشکل ہے، جو سچ بولتا ہے اس سے سب سے زیادہ نفرت کی جاتی ہے۔

انہوں نے کہا کہ وکلاء تحریک کا کردار جمہوریت اور آئین کی بحالی تھا، وکلاء تحریک نے شہریوں کی بڑی تعداد کو اپنی طرف راغب کیا۔

جسٹس اطہر من اللّٰہ نے مزید کہا کہ گمشدگی کے کیس سب سے زیادہ مشکل ہوتے ہیں، ریاست کا کام اپنے بچوں کی حفاظت کرنا ہے۔

اُن کا کہنا تھا کہ میں نے لاپتہ افراد کیس کا جب پہلا فیصلہ دیا، جس کے اثرات 4 سال تک مثبت رہے، اپنے افسر کو کہا کہ اپنے علاقے میں مسنگ پرسنز کیس کو برداشت نہیں کرسکتا۔

سپریم کورٹ کے جج نے یہ بھی کہا کہ سرکار کا کام احتساب کرنا ہے، سب کی حفاظت کرنا ہے، آئینی عدالت کو 24 گھنٹے کھلے رہنا چاہیے۔ جسٹس اطہر من اللّٰہ نے کہا کہ میں نے فیصلے میں کہا کہ مسنگ پرسنز کیس میں کسی سرکاری افسر کے ساتھ نرمی نہیں دکھائی جائے گی۔

لاپتہ افراد: بازیابی کو یقینی بنانے کی ہدایات جاری