مون سون کی شدت میں اضافے کا امکان

مون سون کی شدت میں اضافے کا امکان

محکمہ موسمیات کے مطابق آج سے خلیج بنگال پر موجود ہوا کا کم دباؤ مون سون کی سرگرمی کو مزید مضبوط کردے گا۔

نئے سسٹم کے باعث آج سے منگل کے دوران اسلام آباد، پنجاب، خیبر پختونخوا اور کشمیر میں شدید بارشیں ہوسکتی ہیں۔ اسی طرح کراچی سمیت سندھ کے مختلف علاقوں اور بلوچستان میں بھی آج سے 22 اگست تک موسلادھار بارش کا امکان ہے۔

دوسری جانب این ڈی ایم اے نے بارشوں، فلیش فلڈ، لینڈ سلائیڈنگ اور کلاؤڈ برسٹ سے متاثرہ علاقوں میں سیاحتی پابندیوں کی ایڈوائزری جاری کردی۔کہنا ہےکہ اس دوران مون سون کی شدت میں اضافے کا امکان ہے۔

ایڈوائزری کے مطابق ضرورت پڑنے پر دفعہ 144 لگا کر سیاحوں کو ان علاقوں میں جانے سے روکا جائے۔ اسلام آباد کی ضلعی انتظامیہ نے مارگلہ ہلز ٹریل ٹو، تھری، فور اورفائیو کو انیس اگست تک شہریوں کے لیے بند کردیا، سید پور گاوں کے عقب میں واقع ٹریل بھی شہریوں کے لیے بند رہے گا۔

استور: اللّٰہ والی جھیل کے اطراف بدترین سیلاب