یوٹیلیٹی سٹورز: 31 جولائی کو تمام سرگرمیاں بند

یوٹیلیٹی سٹورز: 31 جولائی کو تمام سرگرمیاں بند

اسلام آباد میں یوٹیلیٹی اسٹورز کی بندش اور نج کاری پر وزیرِ اعظم شہباز شریف کی قائم کردہ اعلیٰ سطح کی کمیٹی کا اجلاس وفاقی وزیرِ خزانہ محمد اورنگزیب کی زیرِ صدارت منعقد ہوا جس میں معاونِ خصوصی برائے صنعت و پیداوار سمیت اعلیٰ حکام نے شرکت کی۔

وزارتِ خزانہ کے اعلامیے کے مطابق اجلاس میں ملازمین کے لیے منصفانہ اور مالی طور پر قابلِ عمل وی ایس ایس پر تفصیلی غور کیا گیا، کمیٹی نے یوٹیلیٹی اسٹور سے متعلق نج کاری کمیشن سے مشاورت کی سفارش کی۔

یوٹیلیٹی سٹورز

اجلاس میں یوٹیلیٹی اسٹورز کے اثاثہ جات کی فروخت کے امکانات کا جائزہ لیا گیا، کمیٹی نے قانونی و آپریشنل پہلوؤں کے جائزے کے لیے سب کمیٹی تشکیل دے دی۔

سب کمیٹی رواں ہفتے وی ایس ایس پلان پر رپورٹ پیش کرے گی، کمیٹی کی سفارشات جلد وزیرِ اعظم کو پیش کی جائیں گی۔

کمیٹی کو یوٹیلیٹی اسٹورز کی بندش، ملازمین کے لیے وی ایس ایس پلان بنانے کا ٹاسک دیا گیا ہے۔

اعلامیے کے مطابق اجلاس میں 31 جولائی تک یوٹیلیٹی اسٹورز کی تمام سرگرمیاں بند کرنے کی ہدایت کی گئی۔

غریبوں کی سہولت یوٹیلٹی اسٹورز بند