بین الاقوامی
ہم پر حملہ کیا تو جوابی وار کریں گے، ایران
ایران کے وزیر دفاع عزیز ناصر زادہ نے کہا ہے کہ امریکہ یا اسرائیل نے حملہ کیا تو ایران جوابی حملہ کرے گا۔
ہم پر حملہ کیا تو جوابی وار کریں گے، ایران
اپنے بیان میں عزیز ناصر زادہ نے کہا کہ امریکہ یا اسرائیل نے پہل کی تو ان کے مفادات، فورسز اور بیسز کو جب اور جہاں ضرورت ہوگی نشانہ بنایا جائے گا۔ یمن سے تل ابیب کے بن گوریان ایئرپورٹ پر بیلسٹک میزائل حملے کے بعد اسرائیلی وزیراعظم نے ایران پر حملے کی دھمکی دی ہے۔ نیتن یاہو کا کہنا تھا کہ حملے کے جواب میں حوثیوں کے ایرانی دہشت گرد آقاؤں کو اپنی مرضی کی جگہ اور وقت پر جواب دیں گے۔ واضح رہے کہ گزشتہ روز یمن سے اسرائیلی دارالحکومت تل ابیب کے بن گوریان ہوائی اڈے پر راکٹ حملہ ہوا جس کے باعث کئی پروازیں معطل کردی گئیں۔
ایرانی بندرگاہ: دھماکے میں اسرائیل ملوث ہے: ایرانی پارلیمنٹیرین
