قومی خبریں
کے پی: بارشوں سے 323 ہلاکتیں
پروونشل ڈیزاسٹر مینجمنٹ اتھارٹی خیبر پختون خوا نے کہا ہے کہ صوبے میں بارش اور سیلاب کے مختلف حادثات میں 323 افراد جاں بحق ہوئے ہیں۔
کے پی: بارشوں سے 323 ہلاکتیں
پی ڈی ایم اے کے اعلامیے میں نقصانات اپڈیٹ کیے گئے، جس کے مطابق سیلاب سے زیادہ متاثرہ ضلع بونیر میں اب تک 209 افراد جاں بحق ہوئے ہیں۔
پی ڈی ایم اے کا کہنا ہے کہ صوبے میں 156 افراد زخمی اور 336 مکانات کو نقصان پہنچا ہے جبکہ 230 مکانات کو جزوی اور 106 مکانات مکمل تباہ ہوئے ہیں۔
اعلامیے میں کہا گیا ہے کہ حادثات سوات، بونیر، باجوڑ، تورغر، مانسہرہ، شانگلہ اور بٹگرام میں ہوئے ہیں۔
