لاہور ٹیسٹ: پاکستان کے 5 وکٹوں پر 313 رنز
لاہور ٹیسٹ: پہلے روز پاکستان نے 5 وکٹوں پر 313 رنز بنالیے
لاہور: پاکستان نے جنوبی افریقا کے خلاف پہلے ٹیسٹ میچ کی پہلی اننگز میں پہلے روز کھیل کے اختتام تک 5 وکٹوں کے نقصان پر 313 رنز بنالیے ہیں۔
لاہور: قذافی اسٹیڈیم میں کھیلے جا رہے میچ میں پاکستان کے کپتان شان مسعود نے ٹاس جیت کر پہلے بٹینگ کا فیصلہ کیا۔
پاکستان کی جانب سے عبداللہ شفیق اور امام الحق نے اننگز کا آغاز کیا لیکن عبداللہ شفیق صرف دو رنز بنا کر تیسری گیند پر ہی کگیسو ربادا کا شکار بن گئے۔
کپتان شان مسعود اور امام الحق نے 161 رنز کی شراکت قائم کرکے ٹیم کو استحکام بخشا۔ شان مسعود 76 رنز بناکر آؤٹ ہوئے۔
چائے کے وقفے سے پانچ منٹ قبل امام الحق 93 رنز پر کیچ آؤٹ ہوکر سنچری سے محروم ہوگئے۔ سعود شکیل بھی پہلی ہی گیند پر بولر کو کیچ تھما بیٹھے۔بابر اعظم بھی زیادہ دیر کریز پر نہ ٹھہر سکے اور 23 رنز بناکر چلتے بنے۔
محمد رضوان (62 ناٹ آؤٹ) اور آغا سلمان (52 ناٹ آؤٹ) نے چھٹی وکٹ پر 114 رنز کی ناقابل شکست شراکت قائم کی۔
جنوبی افریقا کی جانب سے سینوران متھوسامی نے دو جبکہ کگیسو ربادا پرینیلان سبرائین اور سائمن ہارمر نے ایک ایک وکٹ حاصل کی۔
