ڈمپر کی ٹکر سے بھائی بہن کی موت کا معاملہ
ڈمپر کی ٹکر سے جاں بحق بہن بھائی کے ورثاء کیلئے معاوضے کا اعلان نہ کرنے پر سندھ اسمبلی میں اپوزیشن اور حکومتی ارکان میں گرما گرمی ہوئی ہے۔
ڈمپر کی ٹکر سے بھائی بہن کی موت کا معاملہ
متحدہ قومی موومنٹ (ایم کیو ایم) کے رکن طحہٰ احمد خان نے کہا کہ سینیئر وزیر شرجیل میمن نے انہی ڈمپر ڈرائیورز سے مذاکرات کرکے معاوضے کا اعلان کیا، جبکہ ڈمپروں سے قتل ہونے والوں کی جانوں کا کوئی ازالہ نہیں کیا گیا۔
سینیئر وزیر شرجیل میمن نے کہا کہ جن لوگوں نے سات ڈمپرز جلائے ہیں ان کے خلاف کارروائی کسی کی دھمکی اور دھونس کی وجہ سے نہیں روکیں گے، اگر کوئی بدمعاشی کرنے کی کوشش کرے گا تو بدمعاشی سے نمٹیں گے۔
واضح رہے کہ کراچی کے علاقے راشد منہاس روڈ پر 10
اگست کی رات ٹریفک حادثے میں بہن اور بھائی کے جاں بحق ہونے کے حادثے کے بعد شہری مشتعل ہوگئے تھے۔ شہریوں نے ڈمپر ڈرائیور پر تشدد کے بعد 7 ڈمپروں کو آگ لگا دی تھی۔
پولیس کے مطابق مقدمے میں قتل خطاء کی دفعہ شامل کی گئی ہے۔ ڈمپر ڈرائیور کو گرفتار کرلیا ہے۔
مدعی مقدمہ کے مطابق ڈمپر کی ٹکر سے بھتیجی اور بھتیجا جاں بحق جبکہ بھائی زخمی ہوا۔
