بھارت نے پاکستانیوں کے ویزے منسوخ کردیے،ملک چھوڑنے کا حکم

بھارت نے پاکستانیوں کے ویزے منسوخ کردیے،ملک چھوڑنے کا حکم

نئی دہلی میں پریس کانفرنس کرتے ہوئے بھارتی سیکریٹری خارجہ وکرم مسری نے کہا کہ پاکستانیوں کو سارک کے تحت دیے گئے ویزے بند کردیے گئے۔ تمام پاکستانیوں کے بھارتی ویزے منسوخ کردیے ہیں۔ اٹاری واہگہ بارڈر بھی بند کردیا گیا۔ پاکستانیوں کو ویزہ نہیں ملے گا۔ بھارت میں موجود پاکستانی 48 گھنٹوں میں ملک چھوڑ دیں۔

انہوں نے کہا کہ پاکستانی سارک ویزہ استثنیٰ پروگرام کے تحت بھارت کا سفر نہیں کرسکیں گے۔ سارک اسکیم کے تحت جو بھی ویزے جاری کیے گئے۔ منسوخ سمجھے جائیں گے۔ ترجمان بھارتی وزارت خارجہ نے انڈس واٹر معاہدہ بھی معطل کردیا۔ وکرم مسری نے کہا کہ پہلگام حملے میں 25 بھارتی اور ایک نیپالی سیاح ہلاک ہوا۔ پاکستان ہائی کمیشن میں تمام دفاعی، فوجی، بحری اور فضائی مشیروں کو ناپسندیدہ قرار دے دیا گیا ہے۔

ترجمان بھارتی وزارت خارجہ کا کہنا ہے کہ پاکستان میں موجود بھارتی شہری یکم مئی تک اٹاری چیک پوسٹ کے راستے واپس آسکتے ہیں۔ پاکستان میں بھارتی ہائی کمیشن کا عملہ محدود کر دیا جائے گا۔ پاکستان میں بھارتی ہائی کمیشن کا عملہ یکم مئی تک 55 سے کم کر کے 30 کر دیا جائے گا۔ بھارتی وزارت خارجہ کا کہنا ہے کہ حملے کے مرتکب افراد کو انصاف کے کٹہرے میں لایا جائے گا۔ بھارت دہشت گردی کی کارروائیوں کا ارتکاب کرنے والوں کا پیچھا کرے گا۔

پہلگام فائرنگ، ہلاک افراد کی فہرست جاری