نہریں متنازع معاملہ, سنگین ہوچکا، شرجیل میمن

شرجیل میمن نے کہا ہے کہ دریائے سندھ سے نہریں نکالنا متنازع معاملہ ہے،جو اب سنگین صورتحال اختیار کر چکا ہے، وزیراعظم فوری طور پر یہ منصوبہ ختم کرنے کا اعلان کریں۔

0 Less than a minute

انہوں نے کہا کہ نہروں کے معاملے پر سندھ حکومت نے وفاقی حکومت کو کئی خط لکھے۔ مشترکہ مفادات کونسل کا اجلاس بلانے کا مطالبہ کیا، مگر اجلاس نہِیں بلایا گیا۔ سندھ اپنے ماہرین لانے کو تیار ہے۔ وفاق اپنے ماہرین لے آئے، ہم بات چیت کے لیے تیار ہیں۔ انہوں نے کہا کہ پیپلز پارٹی پنجاب کے لیڈر بھی پوچھ رہے ہیں کہ چولستان نہر کے لیے پانی کہاں سے لائیں گے۔ سیلاب کے برسوں کے علاوہ ہر سال سندھ کو ربیع اور خریف کے موسم میں کم پانی کیوں ملا؟۔ ہمیں 91 ء کے معاہدے پر اعتراضات ہیں مگر پھر بھی ہمیں کم از کم اس معاہدے کے تحت ہی پانی دیا جائے۔