نادرا کا ڈائریکٹر جنرل جعلی ڈگری پر ملازمت سے فارغ

ذرائع کے مطابق ایم بی اے ڈگری پر دستخط کرنے والے اس وقت صدر جارج میسن یونیورسٹی امریکا نہیں تھے، بی بی اے کی ڈگری میں کالج کا نام دراصل ڈگری کے اجراء کے وقت کچھ اور تھا۔

نادرا کی درخواست پر ہائیر ایجوکیشن کمیشن نے انکوائری کی، انکوائری میں نادرا کی حاصل کی ہوئی معلومات کی تصدیق کر دی گئی۔

اسلام آباد ہائی کورٹ نے ایچ ای سی کے مساوی ڈگری کی منسوخی کا فیصلہ برقرار رکھا۔

ذرائع کے مطابق نادرا کے اظہار وجوہ کے نوٹس پر ذوالفقار احمد کوئی تسلی بخش جواب نہ دے سکے۔

چیئرمین نادرا نے ہائی کورٹ کے فیصلے اور شوکاز کے غیرتسلی بخش جواب پر تادیبی کارروائی کی۔