میڈلز جیتنے والوں کیلئے خوش خبری

میڈلز جیتنے والوں کیلئے خوش خبری

34 ویں بورڈ اجلاس میں منظوری کے بعد ری وائزڈ کیش ایوارڈ پالیسی جاری کردی گئی ہے جس کے تحت اولمپکس میں گولڈ میڈل جیتنے پر انعامی رقم ایک کروڑ سے بڑھا کر تین کروڑ کردی گئی۔ اولمپکس میں سلور میڈلز پر دو کروڑ اور برانز پر ایک کروڑ انعام ملے گا۔ پچھلی پالیسی میں اولمپکس سلور پر 75 لاکھ اور برانز پر 50 لاکھ انعام تھا۔

ایشین گیمز میں گولڈ میڈلز کی انعامی رقم 75 لاکھ سے بڑھا کر ایک کروڑ پچاس لاکھ کردی گئی۔ نئی پالیسی کے مطابق ایشین گیمز میں سلور پر 70 اور برانز میڈل پر 50 لاکھ ملیں گے۔ کامن ویلتھ گیمز میں گولڈ میڈلز کی انعامی رقم 50 لاکھ سے بڑھا کر 75 لاکھ کردی گئی، کامن ویلتھ میں سلور میڈلسٹ کو 50 اور برانز میڈلسٹ کو 30 لاکھ ملیں گے۔

میڈلز جیتنے والے

نئی سپورٹس پالیسی میں ورلڈ چیمپئن شپ کو تین حصوں میں تقسیم کردیا گیا ہے۔ ہر چار سال بعد ہونیوالی ورلڈ چیمپئن شپ جیتنے پر 75 لاکھ انعام ملے گا۔ دو سال بعد منعقد ہونیوالی ورلڈ چیمپئن شپ کی جیت پر 50 لاکھ اور سالانہ ورلڈ چیمپئن شپ پر تیس لاکھ انعام ملے گا۔

پالیسی میں ایشین چیمپئن شپ کے ایونٹس کو بھی تین مختلف کیٹیگریز میں تقسیم کیا گیا ہے۔ کامن ویلتھ اور جونیئر سطح کے ایونٹس کیلئے بھی چیمپئن شپ کی معیاد کے مطابق انعامات طے ہوئے ہیں۔ سپورٹس پالیسی میں سنوکر کے لیے علیحدہ انعامی پالیسی مقرر کی گئی ہے۔ سنوکر ورلڈ چیمپئن شپ جیتنے پر 15 لاکھ، ایشین چیمپئن شپ پر ساڑھے سات لاکھ انعام دیا جائے گا۔

پالیسی میں سکواش میں برٹش اوپن یا مساوی ایونٹ جیتنے پر ایک کروڑ روپے کا انعام ملے گا جبکہ جونیئر سکواش ایونٹس جیتنے والے پلیئرز کو پالیسی کے تحت 50 لاکھ روپے کا انعام ملے گا۔

سارک اسنوکر چیمپئن شپ کیلئے اسنوکر ٹیم کا اعلان کر دیا گیا