مودی پر رافیل کی خریداری میں کرپشن کا الزام
رافیل خریداری میں 41 ہزار کروڑ روپے کی کرپشن، کانگریس رہنماؤں نے مودی حکومت پر الزامات کی بوچھاڑ کردی۔
مودی پر رافیل کی خریداری میں کرپشن کا الزام
بھارت میں اپوزیشن جماعت کانگریس نے رافیل طیاروں کے معاہدے میں مبینہ بدعنوانی پر ایک بار پھر حکمران جماعت بی جے پی کو کٹہرے میں کھڑا کر دیا ہے۔ کانگریس کے سینئر رہنما رندیپ سنگھ سرجے والا نے مطالبہ کیا ہے کہ رافیل اسکینڈل کی غیر جانبدارانہ اور شفاف تحقیقات کی جائیں۔ حکومت اور فرانس کی کمپنی ڈسالٹ کے درمیان ملی بھگت ایک طے شدہ کھیل تھا۔ جس کے ذریعے کرپشن کو چھپانے کی کوشش کی گئی۔ کانگریس کے رہنما سنجے نروپم نے دعویٰ کیا کہ رافیل معاہدے میں تقریباً 41 ہزار کروڑ روپے کی کرپشن ہوئی ہے۔ انہوں نے کہا کہ آج تک حکومت نے رافیل طیاروں کی اصل قیمت قوم کے سامنے نہیں رکھی۔ جو اس معاہدے پر شکوک و شبہات کو مزید بڑھا رہی ہے۔ کانگریس پارٹی مسلسل مطالبہ کر رہی ہے کہ سپریم کورٹ یا پارلیمانی کمیٹی کے تحت اس معاہدے کی تفصیلی تحقیقات کروائی جائے۔
