بین الاقوامی
بھارتی فوج نے ایک اور کشمیری نوجوان شہید کر دیا
قابض بھارتی فوج نے مقبوضہ کشمیر میں ایک اور کشمیری نوجوان کو شہید کردیا۔
بھارتی فوج نے ایک اور کشمیری نوجوان شہید کر دیا
قابض بھارتی افواج نے 23 سالہ امتیاز احمد مغرای کو ضلع کولگام میں دوران حراست بہیمانہ تشدد کا نشانہ بنا کر شہید کردیا گیا۔ پہلگام حملے کے بعد قابض فوج کی زیر حراست شہید ہونے والے کشمیریوں کی تعداد 5 ہوگئی۔ دوران گرفتاری غیر انسانی تشدد کا نشانہ بنایا اور لاش کو ادبل وٹو، ڈی ایچ پورہ کے علاقے میں ایک نالے میں پھینک دیا۔ علاقہ مکینوں نے بھارتی حکام کے اس دعوے کو سختی سے مسترد کر دیا کہ امتیاز نے خودکشی کی۔ مقامی لوگوں کا کہنا ہے کہ شہید امتیاز ایک محنت کش تھا، جسے بھارتی اہلکاروں نے گھر سے اٹھایا اور بدترین تشدد کے بعد جان سے مار دیا۔ ان کا کہنا تھا کہ یہ واقعہ خوف و ہراس پھیلانے کی ایک منظم حکمت عملی کا حصہ ہے۔
