قومی خبریں
فیصل چوہدری کی اڈیالہ جیل میں تلخ کلامی
عمران خان کے وکیل فیصل چوہدری کو اڈیالہ جیل میں داخلہ سے روک دیا گیا۔
فیصل چوہدری کی اڈیالہ جیل میں تلخ کلامی
اس موقع پر فیصل چوہدری اور جیل کے عملے کے مابین تلخ کلامی ہوئی۔
فیصل چوہدری نے اڈیالہ جیل چوکی میں جیل انتظامیہ کے خلاف مقدمہ کی درخواست دے دی۔
درخواست میں تحریر کیا کہ عمران خان کے تمام کیسز میں میرا وکالت نامہ جمع ہے۔ جیل عملے نے آج داخلی دروازے پر روک دیا اور اندر جانے نہیں دیا۔
انسداد دہشتگردی عدالت نے 9 مئی جی ایچ کیو کیس کی سماعت مقرر کی تھی۔
فیصل چوہدری نے کہا احتجاج پر مجھے دو گھنٹے تک بٹھایا گیا اور حبس بیجا میں رکھا گیا۔ جیل عملہ میرے اور میرے ساتھ آئے ہوئے سائلین کو ہراساں کرتا رہا۔
ملزمان کے خلاف قانونی کارروائی کی جائے۔ اڈیالہ جیل چوکی نے فیصل چوہدری کی درخواست وصول کرلی۔
