غزہ جنگ بندی معاہدہ آئندہ ہفتے، ڈونلڈ ٹرمپ

غزہ جنگ بندی معاہدہ آئندہ ہفتے، ڈونلڈ ٹرمپ

غیر ملکی میڈیا کے مطابق امریکی صدر ڈونلڈ ٹرمپ نے کہا ہے کہ غزہ میں بہت سی امداد بھیج رہے ہیں۔

انہوں نے ایران کے حوالے سے بات کرتے ہوئے کہا ہے کہ ایران کا جوہری پروگرام مکمل ختم کردیا، لیکن ایران اسے دوبارہ شروع کرسکتا ہے۔ ٹرمپ نے مزید کہا ہے کہ اسرائیلی وزیرِاعظم سے ایران سے متعلق بات کروں گا۔ غزہ کے حوالے سے گفتگو کرتے صدر ٹرمپ نے کہا کہ غزہ جنگ بندی معاہدہ آئندہ ہفتے تک مکمل ہو جائے گا۔

غزہ جنگ بندی معاہدہ آئندہ ہفتے

امریکی صدر نے مزید کہا ہے کہ ایران کا جوہری پروگرام مکمل ختم کر دیا ہے تاہم ایران جوہری پروگرام کسی دوسرے مقام پر دوبارہ شروع کر سکتا ہے۔ امریکی صدر نے بتایا ہے کہ ٹیرف معاملے پر 12 ممالک کے لیے خطوط پر دستخط کر دیے ہیں جو پیر کو ارسال کر دیے جائیں گے۔

دوسری جانب فلسطینی مزاحمتی تنظیم حماس کی جانب سے بیان میں کہا گیا ہے کہ غزہ میں جنگ بندی کے لیے فوری طور پر مذاکرات شروع کرنے کے لیے تیار ہیں۔ امریکی صدرٹرمپ نے حماس کے بیان کا خیر مقدم کیا ہے۔

ڈونلڈ ٹرمپ نے بتایا کہ روسی صدر ولادیمیر پیوٹن سے پابندیوں سے متعلق بات کی تھی، روسی صدر پیوٹن پابندیوں سے پریشان ہے۔ انہوں نے یہ بھی کہا کہ میں چین کا دورہ کر سکتا ہوں یا چینی صدر امریکا کا دورہ کر سکتے ہیں۔  امریکی صدر کا یہ بھی کہنا تھا کہ ٹک ٹاک ڈیل کے بہت قریب ہیں۔

غزہ جنگ بندی پر فوری عمل در آمد کیا جائے: عرب وزارتی کمیٹی