عمران خان کو علاج کی مناسب سہولتیں ملنی چاہئیں: سارو گنگولی
سابق بھارتی کپتان سارو گنگولی نے بھی بانیٔ پی ٹی آئی کے لیے اپنی نیک خواہشات کا اظہار کیا ہے۔
عمران خان کو علاج کی مناسب سہولتیں ملنی چاہئیں: سارو گنگولی
سارو گنگولی نے بھارتی میڈیا سے گفتگو کے دوران عمران خان کی صحت سے متعلق سامنے آنے والی خبروں کے بارے میں پوچھے گئے سوال کا جواب دیتے ہوئے کہا کہ مجھے امید ہے کہ ان کی صحت ٹھیک ہو جائے گی اور ان کا صحیح علاج ہو گا۔
اُنہوں نے کہا کہ عمران خان نے پاکستان کرکٹ ٹیم کے کپتان اور پھر پاکستان کے وزیرِ اعظم کے طور پر دنیا بھر میں اپنے ملک کا نام روشن کیا تو مجھے یقین ہے کہ ان کو علاج کی مناسب سہولتیں اور عزت ملنی چاہیے۔
اس سے قبل دنیائے کرکٹ کے سابق کپتانوں نے عمران خان کے لیے انسانی بنیادوں پر حکومتِ پاکستان سے اپیل کی تھی۔
عمران خان سے متعلق اپیل کرنے والے کپتانوں کی فہرست میں سرکلائیو لائیڈ، گریگ چیپل، ائین چیپل، ایلن بارڈر، مائیکل بریئرلے، مائیکل ایتھرٹن، بیلنڈا کلارک، سنیل گواسکر، ڈیوڈ گاوور، کم ہیوز، ناصر حسین، کپل دیو، اسٹیو وا اور جان رائٹ شامل ہیں۔
علاوہ ازیں پاکستان کے سابق کرکٹرز وسیم اکرم، شعیب اختر، رمیز راجہ، وقار یونس، اور شاہد آفریدی نے بھی حکام سے عمران خان کو علاج کی مناسب سہولتیں اپیل کی ہے۔
بنگلا دیش: انتخابات کے سرکاری نتائج میں بھی بی این پی کامیاب
