قومی خبریں
عمران خان کا پیغام اچکزئی کو پہنچا دیا
پاکستان تحریک انصاف کی مرکزی قیادت کی جانب سے عمران خان کا پیغام محمود خان اچکزئی کو پہنچا دیا گیا۔
عمران خان کا پیغام اچکزئی کو پہنچا دیا
اپوزیشن ذرائع کے مطابق محمود اچکزئی کو پی ٹی آئی قیادت نے اپوزیشن لیڈر سے متعلق عمران خان کا پیغام پہنچا دیا۔ اس حوالے سے پی ٹی آئی رہنما علی محمد خان کا کہنا ہے کہ اپوزیشن لیڈر سے متعلق عمران خان کا فیصلہ حتمی ہے۔
انہوں نے کہا کہ پہلی کوشش ہے عمر ایوب اور شبلی فراز کو عدالت سے جو ریلیف ملا اس سے فائدہ اٹھایا جائے، اگر عمر ایوب اور شبلی فراز واپس نہیں آتے تو ان کی جگہ نئے افراد کو لگایا جائے گا۔
واضح رہے کہ گزشتہ روز پاکستان تحریک انصاف (پی ٹی آئی) کے بانی نے محمود خان اچکزئی کو اپوزیشن لیڈر کے لیے نامزد کیا تھا۔ ذرائع کے مطابق سینیٹ میں اپوزیشن لیڈر کے لیے اعظم سواتی کو نامزد کیا گیا ہے۔ پارٹی ذرائع کے مطابق عمران خان نے اڈیالہ جیل میں ملاقات کے لیے آنے والوں کو اپوزیشن لیڈرز سے متعلق آگاہ کیا تھا۔
