عذاب الہٰی:درجۂ حرارت میں اضافہ،بارشوں میں کمی

این ڈی ایم اے نے ملک بھر میں درجۂ حرارت زیادہ اور بارشیں کم ہونے کا خدشہ ظاہر کر دیا۔

2 1 minute read

این ڈی ایم اے کے مطابق درجۂ حرارت میں اضافہ جنوبی پنجاب، سندھ اور بلوچستان میں ہیٹ ویو کا سبب بنے گا۔ جنوبی پنجاب، سندھ اور بلوچستان میں درجۂ حرارت 45 ڈگری سینٹی گریڈ تک جانے کا امکان ہے۔ کراچی، بدین، لاڑکانہ، عمر کوٹ، تھر پارکر، مٹیاری، سکھر، شکار پور کے گرمی کی شدید لپیٹ میں رہنے کا امکان ہے۔ دادو، سانگھڑ، بہاولپور، رحیم یار خان اور لاہور کے علاقے بھی گرمی کی شدید لپیٹ میں رہنے کا امکان ہے۔ گرمی میں اضافہ خیبر پختون خوا، پوٹھوہار، مری اور بلوچستان کے پہاڑی علاقوں میں آگ لگنے کے واقعات کا سبب بھی بن سکتا ہے۔ درجۂ حرارت میں اضافے اور بارشوں میں کمی سے فصلوں کی پیداوار بھی متاثر ہونے کا امکان ہے۔ این ڈی ایم اے کے مطابق گرمی کی شدت اور بارشوں میں کمی جیسے عوامل پانی کی قلت کا سبب بھی بن سکتے ہیں۔