قومی خبریں
حکومتی پالیسی نفرت کو جنم دے رہی ہے، شیر افضل مروت
رکن قومی اسمبلی شیر افضل مروت نے کہا کہ آج جو کچھ ہو رہا ہے وہ نفرت کو جنم دے رہا ہے۔
حکومتی پالیسی نفرت کو جنم دے رہی ہے، شیر افضل مروت
قومی اسمبلی اجلاس میں رکن اسمبلی شیر افضل مروت نے اظہار خیال کرتے ہوئے کہا کہ پیپلز پارٹی اور مسلم لیگ ن نے چارٹر آف ڈیموکریسی پر دستخط کیے تھے، کیا اس لیے آج سیاسی جماعتوں کے ساتھ یہ سلوک ہو رہا ہے۔ کچھ عرصہ قبل سابق چیف جسٹس ثاقب نثار نے جو کچھ کیا اس سے بھی عدلیہ کی توقیر کم ہوئی۔
شیر افضل مروت نے کہا کہ آج بھی حکومتی پالیسی نفرت کو جنم دے رہی ہے۔ یہ وقت گزر جائے گا لیکن اسمبلی کے باہر ایجنسی اور پولیس کا کھڑا ہونا یاد رہے گا۔ انہوں نے کہا کہ ایک دن کے لیے مجھے یہ اختیار دیں میں دیکھتا ہوں کوئی ایک اہلکار باہر کھڑا ہو کر دکھائے۔ انہوں نے مطالبہ کیا کہ اس ایوان میں حملے پر ایک کمیٹی بنائی جائے۔
