شوبز
جوئے کی تشہیرکاالزام‘ڈکی بھائی کی ضمانت منظور
عدالت نے10 لاکھ روپے کے مچلکوں کے عوض رہائی کا حکم دے دیا
ڈکی بھائی کیلئے اچھی خبر سامنے آگئی‘غیر قانونی جوئے کی تشہیر کے الزام میں گرفتاریوٹیوبر کی ضمانت منظورکرلی گئی،لاہور ہائیکورٹ کے جسٹس شہرام سرور نے ڈکی بھائی کے خلاف ضمانت کی درخواست پر سماعت کی۔سماعت کے دوران دلائل سننے کے بعد عدالت نے ڈکی بھائی کی ضمانت منظور کی اور 10 لاکھ روپے کے مچلکوں کے عوض رہائی کا حکم دے دیا۔یاد رہے کہ ڈکی بھائی پر الزام تھا کہ انہوں نے اپنے یوٹیوب چینل کے ذریعے غیر قانونی جوئے کی ایپلیکیشنز کی تشہیر کی، جس کے تحت 17 اگست کی نصف شب نیشنل کرائم ایجنسی لاہور نے ریاست کی مدعیت میں ان کے خلاف مقدمہ درج کیا تھا۔
