جسٹس منصور علی شاہ کی آئینی بینچ مدت میں توسیع کی مخالفت
سینئر جج جسٹس منصور علی شاہ نے آئینی بینچ کی مدت میں توسیع کی مخالفت کردی۔
جسٹس منصور علی شاہ کی آئینی بینچ مدت میں توسیع کی مخالفت
جسٹس منصور نے 19 جون کے اجلاس سے پہلے ایک خط لکھا جو اب سامنے آگیا ہے، جوڈیشل کمیشن ممبران کو جسٹس منصور کا خط پہنچایا گیا۔ خط میں جسٹس منصور علی شاہ نے لکھا کہ 26ویں ترمیم کیس کے فیصلے تک آئینی بینچ کی مدت میں توسیع نہ کی جائے۔ پیشگی بتا دیا تھا 19 جون کے اجلاس کے لیے پاکستان میں دستیاب نہیں ہوں۔ انہوں نے کہا کہ میری توقع تھی عدم دستیابی پر اجلاس مؤخر کیا جائے گا۔
جسٹس منصور علی شاہ
انہوں نے کہا کہ ماضی میں ایگزیکٹو ممبران کی عدم موجودگی پر اجلاس مؤخر ہو چکا ہے۔ عدلیہ ممبران اقلیت میں ہیں اس لیے شاید مؤخر نہیں کر پائے۔ 26ویں ترمیم فیصلے سے پہلے توسیع بحران کو مزید گہرا کرے گی۔ یہ تنازع ادارے کی ساکھ اور اس پر عوامی اعتبار کو تباہ کر رہا ہے۔ 26ویں ترمیم کے فیصلے تک تمام ججز کو آئینی بینچ ڈیکلیئر کیا جائے، آئینی بینچ میں شمولیت کا معیار اور پیمانہ بھی طے کیا جائے۔
