تھائی لینڈ میں منعقد روئنگ ریگاٹا کے مقابلوں میں قومی روئرز نے 9 گولڈ میڈل سمیت 23 تمغے اپنے نام کیے۔ کراچی بوٹ کلب کے محمد اسد نے مختلف کیٹگریز میں 3 سونے کے تمغے جیتے جبکہ ٹیسٹ کرکٹر فیصل اقبال کی بیٹی حوریا فیصل اور کاظمہ اعجاز نے 2، 2 گولڈ میڈلز حاصل کئے۔ سیف ملک اور زورین طاہر نے 1، 1 طلائی تمغہ، سید تیمور نے 1 چاندی اور 3 کانسی کے تمغے سینے پر سجائے۔ ماسٹر کیٹیگری میں پاک بھارت جوڑی اصغر علی اور سواپن نے سلور میڈل حاصل کیا۔ تھائی لینڈ میں ہونے والے اس ایونٹ میں 11 ممالک کے 3 سو سے زائد روئرز نے شرکت کی
