بونیر: ایک ہی خاندان کے 21 افراد سیلابی ریلے کی نظر
بونیر میں ایک ہی خاندان کے 21 افراد سیلابی ریلے میں بہہ گئے، کچھ کی لاشیں مل گئیں۔
بونیر: ایک ہی خاندان کے 21 افراد سیلابی ریلے کی نظر
خیبر پختون خوا کے علاقہ بونیر میں بادل پھٹنے کے بعد سیلاب سے جاں بحق افراد کی تعداد 328 ہو گئی ہے، متاثرہ علاقوں میں ہر طرف ملبے اور بہہ کر آنے والے بڑے بڑے پتھروں کے ڈھیر ہیں۔
سوات اور بونیر میں سیلابی ریلوں سے سرکاری سکولوں کی عمارتیں بھی متاثر ہوئیں، پرنسپل حضرات نے حاضر دماغی سے کام لے کر سیلاب کے وقت سکول میں موجود 936 بچوں کو فوری طور پر محفوظ مقام پر منتقل کر دیا۔
مزید بارشوں کی پیش گوئی کے پیشِ نظر بنیر اور دریائے سوات اور برساتی نالوں کے اطراف کی آبادی کو محفوظ مقام پر منتقلی کی ہدایت کی گئی ہے۔
پی ڈی ایم اے، پاک فوج، ضلعی انتظامیہ، ریسکیو اور مقامی رضاکاروں کی امدادی کارروائیاں جاری ہیں، پاک فوج کی ٹیم آلات کی مدد سے ملبے کے نیچے دبے زخمیوں اور لاشوں کو ڈھونڈنے میں مدد کر رہی ہے۔
انجینئرنگ کور کے جوان ٹوٹے ہوئے پلوں اور بند راستے کھولنے میں مصروف ہیں، گلگت بلتستان میں 4 روز سے شاہراہِ بلتستان بند، پیٹرولیم مصنوعات اور اشیائے خور و نوش کی شدید قلت ہے۔
ستق نالہ روندو کا سیلاب مسجد اور رہائشی ہوٹل کے متعدد کمرے بہا لے گیا، باغیچہ کا آر سی سی پل سیلاب کی نذر ہو گیا، بلاغونڈ نالے کے سیلاب میں پاور ہاؤس بہہ گیا۔
