امریکہ: ’گولڈ کارڈ‘ متعارف کروا دیا

امریکہ: ’گولڈ کارڈ‘ متعارف کروا دیا

غیر ملکی میڈیا رپورٹس کے مطابق ڈونلڈ ٹرمپ نے ’ای بی 5‘ امیگرینٹ انویسٹر ویزا پروگرام کو گولڈ کارڈ میں تبدیل کردیا ہے۔ جس کے بعد اب کوئی بھی 50 لاکھ امریکی ڈالرز میں امریکی شہریت خرید سکتا ہے۔ میڈیا رپورٹس کے مطابق امریکی صدر نے پریس کانفرنس کے دوران ’گولڈ کارڈ‘ کی رونمائی کی جس پر ان کی تصویر بنی ہوئی ہے۔ ان کا کہنا ہے کہ ممکنہ طور پر یہ خصوصی ویزا کارڈ عوام کے لیے دو ہفتوں سے بھی کم وقت میں دستیاب ہو گا۔ واضح رہے کہ گولڈ کارڈ گرین کارڈ کی مراعات دے گا۔ جو 5 ملین ڈالرز میں دستیاب ہے۔ اسے خریدنے والے غیر ملکی سرمایہ کاروں کو امریکی شہریت مل جائے گی۔ ان کا کہنا ہے کہ اس منصوبے کے تحت 10 لاکھ کارڈ فروخت ہونے کی توقع ہے۔ اس اقدام سے قومی قرضوں کی فوری ادائیگی بھی ہو سکتی ہے۔ خیال رہے کہ امریکی وزیرِ تجارت ہاورڈ لٹنک یہ دعویٰ کر چکے ہیں کہ انہوں نے 1 ہی دن میں 1000 گولڈ کارڈز فروخت کیے۔ جس سے امریکی معیشت کو 5 بلین ڈالرز (500 کروڑ ڈالرز) کا فائدہ ہوا۔

امریکہ:گرین کارڈ ہولڈر کو مستقل رہائش کا حق نہیں،نائب صدر