اسرائیل اور مصر: 35 ارب ڈالر مالیت کا تاریخی گیس معاہدہ

اسرائیل اور مصر: 35 ارب ڈالر مالیت کا تاریخی گیس معاہدہ

غیر ملکی خبر رساں ایجنسی کے مطابق معاہدے کے تحت مصر کو 2040ء تک تقریباً 130 ارب مکعب میٹر قدرتی گیس فراہم کی جائے گی۔ پہلے مرحلے میں مصر کو 20 ارب مکعب میٹر گیس کی فراہمی جبکہ اضافی پائپ لائنز کی تنصیب کے بعد 2026ء کے آغاز میں شروع ہوگی۔

خبر رساں ایجنسی کا کہنا ہے کہ گیس فراہم کرنے والی اسرائیلی کمپنی نیومڈ (NewMed) نے اس معاہدے کو اسرائیل کے گیس ذخائر کی دریافت کے بعد سب سے بڑی پیش رفت قرار دیا ہے۔

خبر ایجنسی کے مطابق یہ نیا معاہدہ اسرائیل اور مصر کے درمیان موجودہ گیس معاہدے کی توسیع اور خطے میں توانائی کے شعبے میں تعاون مزید مضبوط بنانے کی کوشش ہے۔

غیر ملکی خبر رساں ایجنسی کا کہنا ہے کہ مصر کی وزارتِ پیٹرولیم نے فوری طور پر اس معاہدے پر تبصرے کی درخواست کا جواب نہیں دیا ہے۔

غزہ سیز فائر معاہدہ، اسرائیل کا پھر حملہ