فیروز والا( عمر شہزاد سے ) شاہ خالد ٹاؤن سٹاپ پر تیز رفتار کیری ڈبے نے روڈ کراس کرتے ہوئے چنگچی رکشہ کو ہٹ کر دیا۔
کیری ڈبہ چکن کی سپلائی کرنے گجرانوالہ جا رہا تھا تصادم کے نتیجے میں 2 خواتین اور 1 بچی سمیت 6 افراد شدید زخمی ہو گئے۔ ریسکیو 1122 نے زخمیوں کو طبی امداد کے بعد تحصیل ہیڈ کوارٹر ہسپتال منتقل کر دیا۔
زخمیوں کی شناخت ارسلان ولد سعید انور عمر 40 سال، سلیمان ولد امانت عمر 33 سال، بشارت ولد سرور عمر 45 سال، انیبا زوجہ عدیل عمر 40 سال، پروین زوجہ اکرم عمر 60 سال، لاریب ولد عدیل عمر 9 سال، کے نام سے ہوئی۔ پولیس تھانہ فیروز والا نے موقع پر پہنچ کر ابتدائی کاروائی کا آغاز کر دیا ہے۔
