کوئٹہ: دھماکہ میں ہلاکتیں 15 ہو گئیں
محکمۂ صحت کے میڈیا کوآرڈینیٹر کے مطابق سریاب میں دھماکے کا ایک اور زخمی سول ہسپتال میں دم توڑ گیا۔ صوبائی وزیر صحت بخت محمد کاکڑ نے سول ہسپتال میں میڈیا سے گفتگو کرتے ہوئے کہا کہ دھماکہ میں ہلاکتیں 15 جب کہ 38 افراد زخمی ہوئے ہیں، اس وقت ٹراما سینٹر میں 8 زخمی زیرِ علاج ہیں۔
انہوں نے کہا کہ واقعہ سے متعلق تحقیقاتی کمیٹی تشکیل دے دی گئی ہے، سیکیورٹی کے انتہائی سخت انتظامات کی وجہ سے خودکش حملہ آور جلسہ گاہ تک نہیں پہنچ سکا۔
دوسری جانب ڈاکٹر وسیم بیگ نے کہا کہ سریاب دھماکے میں تمام جاں بحق افراد کی میتیں ورثاء کے حوالے کردی گئی ہیں۔ انہوں نے کہا کہ جاں بحق افراد کا تعلق کوئٹہ کے علاوہ نوشکی، دالبندین، قلات، خضدار سمیت مختلف علاقوں سے تھا، ایک جاں بحق شخص کی میت سندھ کے علاقے سانگھڑ روانہ کی گئی ہے۔
کوئٹہ میں شاہوانی اسٹیڈیم روڈ پر دھماکا، 5 افراد جاں بحق، 29 زخمی
