کراچی: لاپتہ بچہ، 3 روز بعد لاش گٹر سے برآمد
پولیس حکام کے مطابق حاجی کیمپ حبیب سکول کے قریب گٹر لائن سے لاش کی اطلاع ملنے پر ریسکیو عملہ موقع پر پہنچا۔
ریسکیو رضا کاروں کی مدد سے لاش کو نکال کر سول ہسپتال منتقل کیا جبکہ بچے کی شناخت ابوبکر کے نام سے کی گئی۔ لاش دو روز پرانی ہے۔
بچے کی وجہ موت فوری طور پر سامنے نہیں آسکی ہے، بچہ دو روز قبل لاپتہ ہوگیا تھا جس کا مقدمہ درج کرلیا تھا تاہم اس کی لاش گٹر سے ملی۔
ممکنہ طور پر بچہ کھیلتے ہوئے گٹر میں گر کر جاں بحق ہوا تاہم پوسٹ مارٹم رپورٹ کے بعد وجہ موت کا تعین ہوگا۔ البتہ واقعے کی مزید تفتیش کا عمل جاری ہے، اطراف میں لگی سی سی ٹی وی فوٹیج چیک کی جارہی ہیں۔
