چیف جسٹس سے آئی ایم ایف وفد کی ملاقات کا اعلامیہ
اعلامیے کے مطابق جوئیل ترکویٹز کی قیادت میں آئی ایم ایف وفد نے چیف جسٹس یحییٰ آفریدی سے ملاقات کی۔ اعلامیے کے مطابق چیف جسٹس نے دوان ملاقات عدالتی کارکردگی بہتر بنانے کے لیے جاری کوششوں کا جائزہ پیش کیا۔ چیف جسٹس یحییٰ آفریدی نے کہا کہ عدلیہ آزاد ادارہ ہے۔ بطور سربراہ اس کی خودمختاری کا تحفظ میری ذمے داری ہے۔ چیف جسٹس پاکستان نے یہ بھی کہا عام طور پر عدلیہ کا ایسے مشنز سے براہ راست رابطہ نہیں ہوتا ہے۔