پاکستان میں آئین پر عمل نہیں ہو رہا: عمر ایوب

پشاور میں میڈیا سے گفتگو کرتے ہوئے انہوں نے کہا کہ ہائی کورٹ میں اپنی ضمانتیں کروانےآیا ہوں، میرے خلاف متعدد کیسز ہیں۔ پاکستان میں آئین پر عمل نہیں ہو رہا. انہوں نے کہا کہ مختلف شہروں میں مختلف کیسز میں کس طرح جا سکتا ہوں. اس کو ہم مسلط حکومت کہتے ہیں۔

عمر ایوب کا کہنا ہے کہ 15 جنوری کو اسپیکر قومی اسمبلی کو خط لکھا اور ان کو کہا کمشنرز اور چیف کمشنر کی تعیناتی کے لیے نام فائنل کیے جائیں۔ اس پر ابھی تک کوئی جواب نہیں آیا۔

پی ٹی آئی کے رہنما نے مزید کہا کہ انہوں نے کہا تھا کہ عمران خان سے رہنماؤں کی ملاقاتیں کروائیں گے۔

ان کا یہ بھی کہنا ہے کہ حکومت کو ہوش کے ناخن لینے چاہیے۔ معیشت تباہ اور بلوچستان کی حالت خراب ہے۔  یہ کہتے ہیں کہ وہ فیصلے کرنے والے ہیں۔ فیصلے کرنے والوں کو ہوش کے ناخن لینے چاہیے۔