وفاقی حکومت: 24 سرکاری اداروں کی نجکاری کا فیصلہ
قومی اسمبلی میں جمع کرائے گئے جواب کے مطابق پہلے ایک سال میں 10 پھر ایک سے تین سال میں 13 اداروں کی نجکاری ہو گی، ایک ادارے کی نجکاری کے لیے 3 سے 5 سال کا آخری مرحلہ ہو گا۔
حکومت نے 24 سرکاری اداروں کی نجکاری کا فیصلہ کیا ہے۔ عبد العلیم خان کی جانب سے قومی اسمبلی میں پیش کی گئی تفصیلات کے مطابق پہلے مرحلے میں قومی ایئر لائن، روز ویلٹ ہوٹل اور زرعی ترقیاتی بینک کی نجکاری ہو گی، پہلے مرحلے میں آئیسکو سمیت 3 ڈسکوز کی نجکاری بھی کی جائے گی۔
وفاقی وزیر کا کہنا تھا کہ دوسرے مرحلے میں یوٹیلیٹی سٹورز کارپوریشن، چار جنکوز کی نجکاری کی جائے گی، دوسرے مرحلے میں لیسکو سمیت 6 ڈسکوز کی نجکاری ہو گی۔
