وزیر خارجہ کا سرکاری دورہ چین پاک بھارت کشیدگی پر بات
ایئرپورٹ پر سینئر چینی حکام اور چین میں پاکستانی سفیر خلیل ہاشمی نے استقبال کیا، اسحاق ڈار کی آج چینی ہم منصب سے ملاقات ہوگی۔پاکستان، چین اور افغانستان کے وزرائے خارجہ بیجنگ میں سہ فریقی ملاقات بھی کریں گے۔ افغان عبوری وزیر خارجہ امیر خان متقی کل چین پہنچیں گے۔ پاکستان کے نور خان ايئر بیس سے روانگی کے وقت میڈیا سے گفتگو میں اسحاق ڈار کا کہنا تھا کہ چین سے حالیہ پاک بھارت کشیدگی سمیت علاقائی اور عالمی امور پر بات ہوگی۔ پاک چین دو طرفہ تعلقات کا جامع جائزہ لیا جائے گا۔